Кроација Осигурување исплати повеќе милионска отштета за пожарот настанат во Пофикс ДОО Тетово

Кроација Осигурување ја исплати највисоката осигурителна штета досега исплатена од оваа компанија во нашата земја. Станува збор за повеќе милиони евраосигурителна отштета исплатена на компанијата ДПТ Пофикс ДОО Тетово, специјализирана за производство на високо квалитетни материјали од областа на градежништвото.

Основ за исплата  е пожар од катастрофални размери со кој имаше целосно оштетување на приближно 5.700м2 градежен дел, значителен дел од залихата на готови производ и речиси целата залиха на суровини за производство.

ДПТ Пофикс ДОО Тетово произведува високо квалитетни XPS изолациони плочки (стиродур), наменети за домашниот и регионалниот пазар, вработува голем број лица, и е еден од најголемите производни капацитети во овој дел од земјата.

“Кроација Осигурување со овој чин ја потврди својата улога на сигурен осигурителен партнер на компаниите во Македонија, овозможувајќи им непречен раст и развој во услови кога ќе настанат непланирани штети и несакани случувања кои значајно го погодуваат нивниот бизнис” изјави Александар Манев, Генерален Директор на Кроација Осигурување.

Непредвидливите настани не можат да се избегнат, меѓутоа доколку имате склучено осигурување, може да се намалат и ублажат штетните финансиски последици. Инвестиравме значајни средства, вложивме голем труд да стигнеме до она што го имавме, и во овој случај да не беше договорот со Кроација Оисигурување не знам што ќе правевме, изјавија од ДПТ Пофикс ДОО Тетово.

Да се има договор со осигурителна компанија е еден од приоритетите на секоја одговорна компанија која сака да остварува долгорочен развој и која  е одговорна во работењето како кон своите партнери, така и кон своите вработени и локалната заедница, додава г. Манев.

Кроација Осигурување е една од најголемите и најсолвентни осигурителни компании во регионот и дел од еден голем и респектабилен регионален систем.