Ладна, топла или од замрзнувач...? Еве каква вода треба да пиете во најтоплите денови

фото:unsplash

Првото решение по кое посегнуваме кога температурата надминува 30 степени е обично водата, но многу е важно за каква вода ќе одлучите.

Без разлика на надворешната температура, доволниот внес на течности е од големо значење за здравјето и, воопшто, за нормалното функционирање на телото и системот на органи.

Вообичаено се препорачува пиење најмалку два литра вода дневно, поради повеќе причини. Хидратацијата е нешто без кое не може превентивно да се делува на појавата на разни болести и да се забрза закрепнувањето од болестите, а таа е почетна точка за секој кој сака да се ослободи од вишокот килограми!
Сето тоа е особено важно на најжешките летни денови, кога лесно и брзо губиме течност од телото и обично секој прво се одлучува за ладна вода. Некој оди дотаму што претпочита да пие вода од замрзнувачот, од кој добар дел е дури и замрзнат, но колку е тоа добра идеја?

Освен тоа, многу ладната вода е „преголем залак“ за нашиот дигестивен тракт и може да предизвика грч на хранопроводникот, што дополнително предизвикува, меѓу другото, болки во градите и грчеви во стомакот. Дополнително, може да го доведе телото во состојба на шок бидејќи течноста со екстремно ниска температура влегува во загреаното тело и разликата може да биде триесет или повеќе степени.

Поради сето ова, се препорачува пиење вода на собна температура, како и пиење многу течности пред излегување надвор во најтоплите денови.