Лазаров: Ова е концепт за пример, РК Алкалоид има амбиции за влез во плеј-офот

Кирил Лазаров ќе има нов предизвик во кариерата, сега како тренер на РК Алкалоид, со кого ќе се натпреварува во суперлигата.

РК Алкалоид треба да биде проект на долги патеки, да создава ракометари, а Лазаров смета дека е потребно трпение, да с еоди чекор по чекор, до нов успех.

„Чест и задоволство ми е што ќе работам во мојата Македонија, сакав да останам во спортот, се решив на овој предизвик како тренер. Не се двоумев дали да ја прифатам поканата на РК Алкалоид, ова е концепт за пример, и вакви концепти треба да се поддржат. Имаме млад и нов тим, јас лично имам високи амбиции како и секогаш, но ќе одиме чекор по чекор, трпеливо. За нас, цел е да размислуваме да влеземе во плеј-офот и се надевам дека имаме квалитет за тоа, а потоа ќе видиме што понатаму“, изјави Лазаров.