„Мајко, се издадов себе си“: Новак се откажа од принципите, мораше да оди на операција за да си ја спаси кариерата
Понекогаш судбината сака да повторува речиси идентични ситуации. Го знаеш тој „дежа ву“ момент, тој момент кога изгледаш како да можеш да се одвоиш од своето битие и да ја гледаш таа сцена и ти се чини дека веќе знаеш точно што ќе се случи. Тоа би можело да се случи во случајот со Новак Ѓоковиќ.
Очигледно е дека Ѓоковиќ има проблеми со лактот, а сите се надеваат дека тие сами ќе си поминат со едноставен одмор.
И тоа само ги потсети многумина на она што се случуваше само пет години порано кога многумина го предвидоа неговиот крај. Да. Го испратија во пензија, а Ѓоковиќ успеа да најде нов мотив и да собори многу ветерански рекорди во низа.
Новак во 2018 година го оперира лактот и ја направи единствената подолга пауза поради неговата здравствена состојба.
„Имав среќа што во кариерата не сум многу често болен или повреден. Најтешко ми беше со лактот. Јас сум еден од најконстантните тенисери на сите времиња и успеав да го одржам своето тело здраво. Тоа ми е доказ дека ги правам вистинските работи. Навистина длабоко размислував за тоа и морав да направам операција. Но, згрешив за некои работи во врска со тоа. Не му дадов доволно време на лактот да се опорави и бев на антиинфламаторни лекови, кои секако ги избегнувам. Тоа краткорочно ми помогна“, изјави тој за француски „Екип“.
Во текот на сезоната на земјена подлога, Ѓоковиќ се мачеше со сопствените сервис гемови (Лоренцо Музети осум пати му го одзема сервисот во Монте Карло), а тоа беше главниот сигнал за проблемите пред пет години.
„Дојдов до точка каде што моето тело рече: „Во ред, нема повеќе обиди“. Не можеш повеќе ни да сервираш. И отидов кај еден од најдобрите хирурзи во светот. Тој заврши одлична работа и јас сум му многу благодарен за тоа. Се исплашив, не сакам хирурзи. Се надевам дека никогаш повеќе нема да ги видам во животот и правам сѐ за да биде така. Моето тело е мојата алатка, мојата основа. Како врвен спортист морам да се грижам за него за да бидам доследен. Со текот на годините имав многу успеси со моето тело и благодарен сум што успеав да закрепнам толку брзо по важни натпревари“.
Мајката Дијана години подоцна откри што се случувало во болницата.
„Новак постојано бара нови знаења. Нешто што не ни е достапно, што би се рекло на нас смртниците, не ни е достапно. Заинтересиран е за исхрана, терапии, алтернативни методи. Тој не е поддржувач на класичната медицина, што е веќе познато, но имаше една епизода кога мораше да се оперира“, почна таа да открива непознати работи во емисијата „Додека ангелите спијат“.
Потоа објаснила што се случило во моментот кога таа медицинска процедура завршила.
„Кога се разбуди од анестезијата, ми кажа дека се издал себе си. Му објаснив дека го направил тоа што треба да го направи и дека ако сака да продолжи да игра, тоа е неопходно. Се обиде со алтернативни методи, сѐ што му беше достапно, но ништо не успеваше. Новак едноставно е против тоа, не сака дрога, не сака да внесува ништо во телото. Љубопитен е, чита сѐ што ќе му падне при рака, се образува... А таа диета, не знам дали би ме задоволила мене или на некој друг, но нему му одговара. И не можам да кажам ништо, бидејќи ми ја затвори устата со неговите резултати. Тоа што сме навикнати на месо и што веруваме дека тоа е единствен извор на протеини, докажа дека не е“, целосно искрено изјавила мајката на Дијана.
Извор: nova.rs