Македонски спортски титани: Мускулести, ама со усул

Убаво оформено тело не се создава преку ноќ! За тоа се потребни години напорна работа, откажувања, жртвувања… Оние кои професионално се занимаваат со спорт и постојано се во движење, имаат мускулесто тело кое од една страна е создадено со континуиран тренинг, а од друга страна може и теретаната да биде од помош.

Нашите спортски асови скоро и да не ја промениле физиономијата низ годините. Но кај нив е забележителна мускулна маса која не е претерана, туку токму онолку колку што треба, правилно распоредена.

Капитенот на македонската ракометна репрезентација, Кирил Лазаров, евидентно е дека има балансирано тело и суптилни мускули кои не се претерани. Лазаров и денес е во топ форма, вежба комбинирано и изгледа одлично.

Фудбалерот Елиф Елмас никогаш не се “расфрлал” со мускули. Неговото тело е затегнато и цврсто, без преголема мускулна маса. Елиф е кондициски спремен во секое време, брз и фуриозен, па дополнителна мускулна маса би го успорила.