Масовни убијци: 4 карактеристики кои ги поврзуваат

Постои стереотип дека масовните убијци се бели мажи со ментално заболување или семејно насилство. Во некои случаи, ова е точно, но не треба да се генерализира бидејќи новата американска студија покажа дека има повеќе категории со кои можат да се опишат масовни убијци.

Појдовна точка на истрагата е масакрот во 1966 година извршен од маринец на американски колеџ. Иако претходно се сметаше дека има уникатен профил на масовни убијци, студијата за насилство открива дека убијците може да се поделат во пет категории.

Малолетни убијци, убијци на студенти, убијци во колеџ, религиозни убијци, убијци на јавни места се петте главни типа, и сите тие имаат четири карактеристики што им се вообичаени.

1. Омраза да се биде различен

Студијата покажува дека сè повеќе убијци се мотивирани од расизам, религиозна омраза, мизогинија, ксенофобија. Бројот на вакви убијци е во пораст уште од 60-тите години, особено во последните пет.

2. Ментално здравје

Иако менталното здравје не е главна причина за убиство, сепак е важен фактор. Две третини од масовните убијци од базата на податоци во истражувањето имаат документирана историја на ментално заболување.

3. Желбата за слава

Процентот на убијци водени од желбата за слава се зголеми во последните пет години, открива студијата. Во првите 15 години од 21 век, 3% од убијците биле мотивирани од желбата да бидат запаметени како масовни убијци. Помеѓу 2015 и 2019 година, тој број скокна на 12%.

4. Набавка на оружје

Еден од најголемите проблеми на американското општество е законското стекнување оружје. Според истражувањето, скоро половина од убијците го купиле оружјето слободно во продавницата, а неколкумина го украле од пријател или член на семејство, пренесува Вице.