Мажи, овде за Нова година: Таму се служи суши на голи девојки - блиску е до нас

Два ресторани во Сплит на гостите им служат суши на голи девојки.

На менито го нудат како „уметничка изведба на украсување и јадење суши од тело“. Од Слободна Далмација известуваат дека оваа претстава чини од 100 до 150 евра по лице, во зависност од времетраењето на вечерата.

Час и 15 минути за четири лица чини околу 500 евра, а за шест лица 660 евра. Два часа јадење суши од тело ќе чини 720 евра за четири лица и околу 1.000 евра за шест лица.

„Се глуми даска за храна на маса“

„Овие два ресторани во Сплит се новиот епицентар на хедонизмот со концептуално сложен и уникатен проект прилагоден на новите трендови. Единствен императив е генот за хедонизам“, вака беа опишани овие објекти во претходните години.

Едниот од нив беше отворен во 2016 година, а потоа на социјалните мрежи се појави оглас за ваков вид на работа.

„Се глуми даска за сервирање на храна на масата. Се леже два пати по еден час додека гостите собираат храна и потоа се оди зад сцената додека се подготвува другата постава. Не мора да бидете целосно голи, интимните делови може да се прекријат со налепници и листови. Се разбира, треба да бидете екстремно згодна хостеса. Надоместокот за тричасовен настап е 200 евра платен пат и сместување“, пишуваше во огласот.

И двата ресторани се во сопственост на иста компанија, а се наоѓаат на два краја на брегот на Сплит.

Не се сите задоволни од понудата на сплитските ресторани.

„Не знам што да ви кажам, тешко е да ме изненадите деновиве... Секако, ако не е забрането со закон, не можам ништо друго освен декларативно да го изразам моето незадоволство од оваа екстремна објективизација на жив човек. Некој може да го брани со „проширување на понудата“, но тоа не е ништо повеќе од евтина реторика од патетични причини како што се оправдување на болниот консумеризам и слепите желби за профит.

Тоа е местото каде што сме денес - комодификација на сè, давајќи вредност на сè. За мене тоа е трговија со женско тело и, ако сакате, форма на проституција. Нешто што дефинитивно припаѓа на насилството. Таа на послужавник – стои во понудата. Ако некој не е свесен за ова, тогаш неговата совест не може ни да приговара на тоа. И штом таа „понуда“ ќе се прошири, цената на таквата „работа“ ќе падне. Денес сакаме да се залажуваме за „слободата на избор“. Штом си на пазарот, нема слобода, има само задоволување на побарувачката“, изјави за „Слободна Далмација“ Мирјана Кучер, извршен координатор на здружението „Домино“.

Патем, во Јапонија оваа практика е позната како nyotaimori. Ако е машко тело, тогаш се нарекува „nantaimori“.

Фото: Фејсбук - Roof 68