Мирно си лежеле на плажа, одеднаш слушнале „експлозија“, а потоа настанала општа паника (ВИДЕО)
На интернет кружи драматично видео снимено во попладневните часови на 24 август на плажата Џејкобс Ледер во британскиот град Сидмаут.
На снимката се гледаат панични посетители и огромен облак прашина што се надвива над популарното место за одмор.
Застрашувачкиот инцидент предизвика лизгање на карпа што ги принуди семејствата со мали деца брзо да се евакуираат. Некои истрчале во морето, а за среќа немало повредени.
Карпестата област е голема опасност за луѓето, а минатата година во октомври се случи сличен инцидент, потсетува Дејли мејл.
Thousands of tons of rocks plunged onto beach just yards from holidaymakers pic.twitter.com/a0VJKTx8pT
— Need To Know (@NeedToKnow_NTK) August 26, 2024
„Имаше страшен тресок, како експлозија или гром“, рече очевидецот Ханс-Петер Бјорнестад.
Откако се спушти прашината, властите испратија спасувачки брод да го пребарува брегот за можни жртви.
Се посочува дека посетителите претходно биле предупредени дека карпите околу скалата на Џејкоб претставуваат реална опасност и дека луѓето мора да бидат внимателни. Поради оваа причина, поставени се и предупредувачки знаци.
Научникот Вики Вокли истакнува дека климатските промени, зголемувањето на нивото на морето и повлажните зими веројатно ќе ја забрзаат ерозијата на карпите и дека јавноста треба да биде свесна за ризиците.