Модриќ по елиминацијата: Ова е еден од најлошите судии, Меси е еден од најголемите, со среќа во финалето

Аргентина ја збриша Хрватска со 3-0, Лука Модриќ и колегите ќе играат бронза на мундијалот во Катар.

Капитенот на Хрватска, Лука Модриќ смета дека судијата, Даниеле Орсато е еден од најлошите.

„Не сакам да зборувам за судиите, но овој е еден од најлошите. Сепак сега ништо не можеме да измениме, одиме понатаму и се подготвуваме за следниот натпревар, нема да биде лесно со оглед на поразот, но ќе направиме за нашите навивачи да ги утешиме со победа“ – рече Модриќ.

Капитенот на Хрватска се осврна и на Лео Меси кој одигра маестрално.

„Му посакувам се најдобро и среќа во финалето, тој е еден од најголемите играчи на сите времиња“-заврши Модриќ.