Му носи среќа: Бојата на Заев за два мандати еден по друг

Претседателот на Македонија, Стево Пендаровски, му го додели мандатот за составување на Влада на лидерот на СДСМ, Зоран Заев, кој најави дека во наредните 20 дена ќе биде формирана егзекутивата.

„Чест и одговорнст ми е што согласно Уставот, како предводник на СДСМ и коалицијата „Можеме“, денеска да го добијам мандатот од претседател за составување на нова одговорна европска Влада со инстоитуции кои ќе служат уште повеќе. Имаме рок од 20 дена за определување на кадри за полн четиригодишен мандат за стабилна влада која ќе биде подготвена да им служи на сите граѓани подеднакво без било какви предрасуди и национализми“, рече Заев во протоколарниот дел.

„Ќе водам Влада која не знае за скршнување од патот која после патот кон НАТО ќе води кон членство до ЕУ. За 20 дена а лично верувам и порано Северна Македонија ќе добие ефиканса Влада против пандемијата, ќе обезбеди повеќе пари и подобри услуги за граѓаните“, рече Заев.

Интересно е тоа што и кога ја состави претходната Влада во 2017 година и сега кога му е доделен мандатот за нова, носи вратоврска во нијанси на виолетовата боја. Изгледа дека ова е бојата на Заев.

* 2020 година

А, боите имаат свое начење. Виолетовата е комбинација од стабилноста на сината и енергијата на црвената. Поврзана со кралски семејства. Симболизира моќ, благородност, луксуз и амбиција. Таа претставува богатство и екстраваганција. Виолетовата е поврзана со мудроста, достоинството, независноста, креативноста, мистеријата и магијата.

• Светло-виолетова: романтични и носталгични чувства
• Темно-виолетова: мрак, тажни чувства и фрустрација

На доделувањето на мандатот за составување на Влада, можеме да забележиме дека и Пендаровски има вратоврска во виолетова боја.