На Алјаска луѓето мистериозно исчезнуваат веќе 50 години: Ова место е како „Бермудскиот триаголник“

Сите сме слушнале за Бермудскиот триаголник, делот од Атлантскиот Океан каде мистериозно исчезнале бродови и авиони.

И дали некогаш сте слушнале за таканаречениот триаголник на Алјаска, каде што многу луѓе наводно исчезнале од раните 1970-ти?

Ако мислевте дека приказната за Бермудскиот триаголник е бизарна и полна со мистерија, почекајте да ги прочитате следните неколку редови.

„Триаголникот на Алјаска“ се наоѓа помеѓу градовите Уткиагвик, Енкориџ и Џуно, а поголемиот дел од него покрива дивина.

New episode! In this episode we dive deep into the Alaska Triangle. ‘Ep. 212 - The Alaska Triangle' by The Conspirators Podcast https://t.co/SPwVlSo42S pic.twitter.com/fxiZy9HsT7

— Nate Hale (@Conspiratorcast) August 7, 2023

Според документарецот на каналот History, во изминатите децении, наводно, исчезнале илјадници луѓе на овие простори, без објаснување!

Ова е особено чудно ако се земе предвид дека областа е многу ретко населена, пренесува LadBible.

Американскиот истражувач Кен Герхард детално се занимавал со „феноменот“ и јавно го кажал својот став.

„Она што го открив додека го истражував „триаголникот на Алјаска“ е дека одреден број случаи не може да се решат. Луѓето не паѓаа во пукнатини, ниту пак беа изедени од мечки. Водеа обични животи, не беа впуштени во авантура, но едноставно исчезнаа“, објасни тој.

„Триаголникот на Алјаска“ се најде во центарот на вниманието на јавноста во 1972 година, кога мал авион ненадејно исчезна за време на летот од Енкориџ до Џуно.

Беше организирана опсежна потрага, но безуспешна. Наскоро се појавија теории на заговор, особено затоа што во авионот имаше две истакнати политички фигури.

Нивното исчезнување остана мистерија, како, наводно, она на многу други луѓе.

Многубројни теории се поврзани со оваа област - за кои нема докази, а најчесто се спомнуваат силни електромагнетни полиња, активности на вонземјани и Sasquatch (Bigfoot).

Сепак, не секое исчезнување останува енигма. Жител на Њујорк, Гери Сотерден, ловел во дивината на Алјаска во 1970-тите, кога исчезнал без трага.

Семејството не можеше да се помири со фактите, но и по четири децении не беше јасно што се случило.

И тогаш беше пронајден човечки череп на бреговите на реката Поркупин на североистокот на земјата. Дури во 2022 година ДНК анализата потврди дека тоа е Сотерден.

Иако причината за смртта не е официјално потврдена, неговото семејство смета дека најверојатно е „убиен од мечка“.