На работ на светот: А таму ве чека ова

Веројатно многумина до 2020 година, сонуваа за одмор на пуст остров, достапен само за нив и за никој друг

И тогаш се случија големи промени низ целиот свет и настана пандемија, осудувајќи не да го поминеме целото слободно време заклученi во нашите домови, избегнувајќи контакт со други луѓе и преживувајќи сами, како што знаеме и умееме. Слободно можеме да кажеме дека тогаш, домот на секој од нас, без разлика дали станува збор за куќа или стан, стана токму оној пуст остров за кој сонувавме и нашето скривалиште од сè лошо што се случува во остатокот од светот.

Но, сепак, мора да признаеме дека одморот во целосна приватност, со растојание од вистинската цивилизација, но со бројни удобности на дофат на раката, сè уште звучи привлечно и релаксирачко. Дизајнирана од Тилина Лијанаш од Шри Ланка, Ocean Cabin ни го нуди токму тоа, а можеби дури и повеќе.

Тоа е прекрасна ложа изградена на огромна карпа свртена кон океанот. Обликот на ложата во форма на А му дава остар изглед и привлечност, инспирирана од карпестата плажа која се наоѓа под неа, додека нејзината внатрешност е топла, со дизајн исполнет со дрво.

За да зачекорите во вашиот дом, ќе мора да се качите по скалите - неговата висока позиција ќе ви овозможи да уживате во спектакуларниот поглед на брегот пред вас и бујното зеленило сместено позади. Ложата е изградена во стил на соја, што го прави заштитен од ефектите на ниската плима, додека стаклената фасада ви овозможува да уживате во неверојатниот поглед на смирувачкото отворено море.

И кога ќе падне ноќта и ќе се појават sвезди на небото, закосените светла што се поставени над креветот ќе ве натераат да помислите дека сте во земјата на соништата, дури и пред навистина да заспиете.