Наместо цвеќе, пар гаќи за Нина Бадриќ: Не можеше да се соземе од смеење на концерт во Задар (ВИДЕО)

Нина Бадриќ приреди незаборавен концерт за Денот на жената во Задар, а посебните моменти на вечерта ги надополнија нејзините музички гости Ивица Сикириќ Иќо и Емилија Кокиќ.

Под рефлекторите на салата Крешимир Ќосиќ, омилената поп ѕвезда Нина Бадриќ во саботата во Задар приреди вечер за паметење, концерт исполнет со љубов, музика и емоции, посветен на жените и на сите оние кои се дел од нејзиното музичко патување. Песната беше повеќе од мелодија, беше прегратка, порака, спомен и славење на животот.

- Секогаш кога ќе застанам пред публиката во Задар, чувствувам топлина која тешко може да се опише со зборови. Тука секогаш се чувствувам како дома, меѓу луѓето кои дишат со мојата музика. Ви благодарам што повторно ме пречекавте со раширени раце и што вечерва заедно ги прославивме љубовта, емоциите и силата на жените – изјави Нина.

На концертот уживаа сите генерации, од најмладите фанови кои штотуку ја открија нејзината музика до оние кои со Нина пеат со децении. Во салата можеа да се видат семејства, пријатели, парови, мајки и ќерки, сите поврзани со истата емоција.

Нина на концертот ја покани Емилија Кокиќ, некогашната евровизиска хрватска победничка. Овие две дами направија толку добра атмосфера што дури на сцената за нив беа фрлени гаќи.

View this post on Instagram

A post shared by Nina Badrić (@badrich)

Дел од атмосферата Нина сподели на Инстаграм и напиша:

„Морам да ви кажам една тајна.. кога јас и Емилија Кокиќ договаравме дует, решивме храбро (бидејќи младоста е жестока) по мелодијата на Мира Буљан да го пишуваме текстот ние две. Во нашата верзија, песната се викаше „Shime“. Таа одеше вака...„Šime Šime kad te dvije prime nece ti ostati ni Š ni ime“.Секако и за нас беше леле!

Нашиот брилијантен текст му го испративме на водечкиот тогашен текстописец Стеви Цвикиќ да ни каже како му се допадна, а тој веднаш ни напиша нов текст „Ja sam vlak“ со реченицата девојки сериозно!

Оттогаш, никогаш не сме станале сериозни, а се надевам дека никогаш нема да станеме“, напиша Нина.

Нина ја истакна важноста на Денот на жената и испрати силна порака: "Сакам секоја жена да знае колку вреди. Никогаш да не се задоволува со помалку од она што го заслужува и секогаш храбро да чекори по својот пат. Светот е поубаво место кога жените се среќни и сакани. Сакајте и бидете сакани, не само денес, туку секој ден од годината".