Научна студија покажа изненадувачки резултати - пивото нѐ прави посреќни и поотворени за секс, еве зошто!
Новата научна студија го покажа она што веќе го знаевме - пивото нè прави посреќни и поотворени за секс.
Студија спроведена од Европскиот колеџ за невро-психо-фармакологија се фокусираше на тоа како алкохолот може да ја промени перспективата на една личност.
„Во една интердисциплинарна студија на случаен примерок од 60 здрави луѓе (30 мажи и 30 жени) на возраст од 18 до 50 години, половина од нив примиле алкохолно пиво (дозата зависи од полот и телесната тежина на испитаникот). Ова доведе до зголемување на алкохолот во крвта за 0,4 грама на литар. На останатите 30 испитаници им било дадено безалкохолно пиво“, се наведува во студијата.
Испитаниците потоа биле подложени на различни тестови, вклучувајќи тест за препознавање лице (што е тест за емпатија) и тест за сексуална возбуда. По тестовите, субјектите кои консумирале вистинско и оние кои пиеле безалкохолно пиво си ги смениле улогите и тестот бил повторен. Истражувачите откриле дека оние кои пиеле алкохолно пиво гледаат посреќни лица, покажуваат поголема желба за забавни социјални односи и полесно гледаат експлицитни сексуални содржини (особено жените), но се чини дека тоа не води до поголема сексуална возбуда. Сите наоди се поизразени кај жените.
Оваа интересна студија го потврдува вообичаеното верување дека алкохолот е социјален лубрикант и дека умереното консумирање алкохол ги прави луѓето посреќни, подружељубиви и помалку воздржани кога станува збор за сексуалниот ангажман“, напиша професорот Вим Ван Ден Брик, поранешен шеф на Одборот за научна програма на ECPN.
„Родовите разлики во наодите може да се објаснат со разликите во содржината на алкохол во крвта помеѓу жените и мажите кога консумираат иста количина на алкохол, како и разликите во толеранцијата кон претходните количини на консумирање алкохол или социјалните и културните фактори“, додава тој.
„Мора да се препознаат различните ефекти на алкохолот во зависност од тоа дали нивото на крвта се зголемува или намалува и се разбира, во зависност од количината на алкохол што сте го консумирале. „На крајот на краиштата, како што забележа Шекспир, емоциите и сознанијата под дејство на алкохол не се секогаш поврзани со човечкото однесување“, заклучил Ван Ден Брик. Изненадувачки, алкохолот не е поврзан со промените на нивото на окситоцин во телото, хормон поврзан со среќата, пренесува Спутник.
ФОТО: pexels
