НЕ Е ГРИП, ДЕЛТА КОРОНАВИРУС Е: Главоболка, интензивно течење на носот, ама без губење на мирис и вкус
Главоболка, болки во грлото и интензивно течење на носот сега се најчесто пријавени симптоми поврзани со инфекцијата на Ковид, објавија британски истражувачи, објави ББЦ.
Проф. Тим Спектор, еден од главните истражувачи на „Зое студија за симптомите на Ковид“, вели дека таканаречената Делта варијанта на ковид кај помладите луѓе се манифестира и се чувствува „повеќе како лоша настинка“.
Сепак иако можеби не се чувствуваат многу лошо, тие можат да го пренесат вирусот и да ги загрозат другите.
Остануваат тврдењата дека секој што мисли дека може да има Ковид, треба да направи тест ако има кашлица, треска, губење на мирис или вкус односно симтомите кои се сметаа како карактеристични за заразата и досега. Сепак проф. Спектор вели дека по новите сознанија, овие симптоми сега се поретки.
Истражувањето се базира на внесување податоци во псоебна апликација.
„Од почетокот на мај, ги разгледуваме клучните симптоми кај корисниците на апликациите - и тие не се исти како што беа“, вели тој.
Измената се чини дека е поврзана со зголемувањето на варијантата Делта, прво идентификувана во Индија, а сега ја имаат 90 отсто од случаите на Ковид во Велика Британија.
