„НИКОГАШ НЕ МУ ОТИДОВ НА ГРОБОТ“ Менаџерката на Тоше кобниот ден беше со него во автомобилот: Немам контакт со неговото семејство
Љиљана Петровиќ, менаџерката на починатиот пејач Тоше Проески, своевремено зборуваше за 16 октомври 2007 година.
Таа вечер по враќањето од настап во Хрватска, Љиљана Петровиќ немала поим дека тоа ќе биде нивното последно патување. Поминаа 16 години од смртта на Тоше, а Љиљана по несреќата се преселила во Ниш каде работи, но и ја лечи тагата, а во 2017 година се присети на покојниот пејач кого никогаш не го преболела.
„Времето не ги лекува раните. Никогаш не сум била на гробот на Тоше, немам сила за тоа ниту по десет години. Никогаш повеќе не сум отсвирела ниту една негова песна. Не можам. Сè уште не можам „Да му го слушнам гласот и сето тоа. Омилена ми е неговата песна „Цреша“, но не сум ја слушала десет години“, рече Љиљана во 2017 година со тажна нота во гласот.
Таа кобна вечер Љиљана била во автомобилот со Тоше, со тешки повреди била пренесена во болницата во Нова Градишка, каде дознала дека Проески починал на лице место. Оттогаш, нејзиниот живот ја изгубил смислата. Кога се опоравила, решила да го промени животот и ги прекинала сите врски што би ја потсетувале на него.
„Потребна беше голема храброст за целосно да го сменам мојот живот. Секогаш е тешко да се откажеш од нешто во што си добар и да започнеш нешто ново од нула. Особено кога си во состојбата во која бев, секако дека е тешко. Беше медицината за душата во тој момент, па многу и должам“, вели Љиљана, која одгледува лаванда и од неа живее:
"После поп музиката, оваа работа ми беше единствениот лек. После сето тоа лудило. Не можев да преболам се што ми се случи тогаш. Едноставно повеќе не можев да ја работам својата работа. Тоше ми значеше премногу, многу повеќе од музиката и мојата работа. На крајот на краиштата, јас не бев способена за такво нешто“.
Тоше почина на 26-годишна возраст
„Немам никаков контакт со неговото семејство, само ја затворив таа приказна. Се откажав од се, само него го носам секогаш со себе и тоа ми е доволно. Луѓето мора да сфатат дека јас бев дел од животот на Тоше, Дадов се од себе во тоа и затоа бевме толку успешни“, изјави во една прилика Петровиќ.
