Новак Ѓоковиќ танцува на „Uptown Funk“ и нè потсетува зошто е крал дури и надвор од теренот

Новак Ѓоковиќ не престанува да нè забавува со танцувачки ритам. Во клип кој брзо стана вирален на социјалните мрежи, српскиот тениски шампион ги покажа своите танцувачки движења на хитот „Uptown Funk“ од Марк Ронсон и Бруно Марс.

Со насмевка на лицето, во опуштена атмосфера и со пленива енергија, Новак повторно покажа колку ужива во моментите надвор од тенискиот терен.

Ова не е прв пат Ѓоковиќ да ја воодушеви публиката со своите забавни настапи. Се сеќаваме на неговите легендарни имитации на колеги, вклучувајќи ги Рафаел Надал, Марија Шарапова и Серена Вилијамс, кои внесоа чувство за хумор во светот на професионалниот тенис низ годините. Тука е и неговиот танц „гангнам стајл“ од добротворни настани, како и безбројните пати кога танцувал со публиката или разменувал шеги со навивачи, линиски судии и собирачи на топки.

Ѓоковиќ постојано нагласуваше дека му е важно да ужива во животот и да шири позитивна енергија, а токму тоа го прави толку сакан не само како спортист, туку и како личност.

Неговиот најнов танц на песната „Uptown Funk“ уште еднаш докажува дека, кога не е на теренот, Новак знае како да се опушти и да се забавува, а воедно и да нè забавува сите нас во тој процес. Бидејќи каде и да се појави, шоуто е загарантирано.

@djokernole Brunovak Djokovic  #summermode #dance #tennis original sound - Novak Djokovic