Ново истражување покажа: Мала е веројатноста да се заразите со коронавирус преку површини

Малку е веројатно дека некое лице ќе се зарази со корона вирус ако дојде во контакт со површина на која претходно паднале честичките на вирусот.

Ова е заклучокот од студијата на Емануел Голдман, микробиолог од универзитетот Рутгерс во САД, објавена во „ The Lancet  “.

Тој изјави дека областите во близина на пациентите кои биле заразени со вирусот ковид-19 биле тестирани во болниците и дека на нив не е пронајдена инфективна варијанта на вирусот, туку РНК, за кој вели дека е „леш“ на вирусот.

„Кога ќе се најде во околината, вирусот е многу слаб и многу брзо умира“, изјави Голдман, пренесува порталот НПР.

Научниците на почетокот на пандемијата на вирусот ковид-19 рекоа дека инфекцијата преку контаминирани површини е проблем, а некои студии тврдат дека корона вирусот на површините може да преживее неколку дена.

Се сметаше дека пренесувањето на вирусот може да се случи кога заразено лице кива или кашла во близина на некоја површина, а лицето да се зарази со допирање на површината и пренесување на вирусот со рака на очите, носот или устата.

Се препорачуваше да се дезинфицираат површините, да се бришат набавените намирници и да се носат нараквици.

Сепак, некои научници сега тврдат дека ова било претерување и дека сите докази сугерираат дека вдишувањето честички на вирусот е доминантен начин на инфекција.

Специјалист за инфекции на респираторниот тракт, д-р Кевин Финли од Националниот институт за здравство на САД вели дека нема научни податоци за да се оправдаат дезинфекцијата на рачките на вратите.

Дафне Фармер, атмосферска хемичарка од Универзитетот во Колорадо, вели дека прскањето на просторот со средства за дезинфекција може да биде потенцијално опасно бидејќи може да се создадат токсични честички кои потоа се вдишуваат, што може да предизвика оксидативен стрес.

Извор: rtv.rs