Забава // Музика и филм

Ова е крв, не е љубов: Братот на пејачот се заканува со смрт

  • 18 Септември, 2019

Пејачот Ник Картер побара забрана за пристап на неговиот брат, пејачот Арон Картер, поради смртни закани направени на штета на бремената сопруга на Ник и неговото неродено дете.

Ник е загрижен за своето семејство затоа што неговиот брат Арон се заканувал дека ќе ја убие неговата бремена сопруга и нероденото дете.

Полицијата одговори брзо и го одобри неговото барање, па на Арон Картер му беше забрането да се приближува до Ник и неговата сопруга. Арон не смее да биде близу до нив од 30 метри.

"По внимателното разгледување, сестра ми и јас се каеме што моравме да побараме забрана за пристап на мојот брат Арон. Сè поалармантното однесување на Арон и неговите неодамнешни признанија дека размислува да ја убие мојата бремена сопруга и моето неродено дете, не ни останува ништо друго освен да сториме сè, да ги превземеме сите потребни мерки за да се заштитиме себеси и нашето семејство “, објави Ник Картер на Твитер.


Ник Картер, поранешен член на светски познатата поп група „Backstreetboys“, вели дека се надева дека неговиот брат ќе побара стручна помош, но и дека се надева дека Арон нема да стори ништо лошо.

„Го сакам брат ми и искрено се надевам дека тој ќе го добие соодветниот третман што му е потребен пред да си нанесе штета на себе или на некој друг“, додаде Ник.

Арон исто така твитна, велејќи дека не го видел својот брат 4 години и дека нема намера да го промени истото, тој напиша и дека завршил со Ник за цел живот, но исто така ги негирал обвинувањата дека сакал да направи нешто лошо и да повреди некого.


„Зачуден сум од обвиненијата против мене,  не сакам да повредам никого, особено не моето семејство“, напиша Арон и додаде:

"Ова е очигледно некаква игра во шах. Сè што барам е семејството да ме остави на мира. Ова е крв. Тоа не е љубов„.

Арон неодамна призна јавно дека има шизофренија и неколку други психијатриски заболувања и дека пие голем број на лекови. 


Можеби ќе ве интересира