Ова е првата работа која треба да ја направите доколку почувствувате симптоми на настинка
Сезоната на вируси и настинки веќе започна и речиси секој познава некого со температура, болки во грло, кашлица или течење на носот.
Ако имунитетот не ви е зајакнат навреме, симптомите се чувствуваат уште потешко, па правилниот одмор станува клучен за побрзо закрепнување.
Кога ќе ги забележите првите симптоми, најважно е да му дадете на телото време за одмор. Сонот е еден од најмоќните сојузници во борбата со вирусите, бидејќи додека спиете, телото активира процеси кои го зајакнуваат имунитетот.
Умор и поспаност се природен сигнал дека организмот бара енергија за да се избори со инфекцијата.
Практични совети за подобар сон при настинка:
Спијте со подигната глава, за да се олесни дишењето и да се намали притисокот во синусите.
Избегнувајте лекови за настинка непосредно пред легнување, освен ако се специјално наменети за ноќна употреба.
Топол туш пред спиење ги релаксира мускулите и ја разредува слузта.
Користете навлажнувач на воздух во собата за да спречите затнат нос во текот на ноќта.
Испијте чај од камилица со малку мед и лимон пред спиење — ќе помогне за смирување и полесно дишење.
Обезбедете мирна, мрачна и поладна соба за подобар сон.
Ако не можете да спиете ноќе, дозволете си кратко дремење преку ден (30 минути), без да го нарушите ноќниот одмор.
