Ова плажа е прогласена за најубава на светот: Долгиот песочен брег и тиркизното море маѓепсуваат (ФОТО)
Официјално од
вчера започна летото, кое многумина со нетрпение го очекуваа. Почнуваат
високите температури, време е за одмор и веселба во морето.
Па, решивме да се потсетиме која плажа е прогласена за најубава на светот во 2023 година.
Порталот „50 најдобри плажи во светот“ секоја година објавува ажурирана листа на најубави плажи. Листата е направена земајќи ги предвид природните убавини, просторот, популарноста, активностите на плажа, чистотата и смиреноста на морето, а оваа година гласале повеќе од 750 најпрепознатливи и највлијателни светски патописци, новинари и експерти.
На прво место е плажата Лаки Беј во Австралија, која има неверојатно тиркизно море. Заливот Лаки го зазеде првото место благодарение на чистиот песок, тиркизната вода и популацијата на кенгури.
„Пријателските кенгури не се единственото нешто што ја прави оваа плажа најдобра во светот. Заливот Лаки има беспрекорен снежно бел песок и неверојатно тиркизно море. Се протега на повеќе од пет километри, така што гарантирано ќе најдете место помалку преполно да уживате во сите природни убавини“, објаснува порталот.
Фото: unsplash/Инстаграм