Ова се 10-те најопасни земји во Европа по смртни случаи во сообраќајки

Патниот сообраќај во Европа секоја година одзема повеќе од 20.000 животи. Додека некои земји имаат мал број сообраќајни несреќи, други се многу ризични за патување. Каде е најголемата опасност?

Повеќе од 20.000 луѓе загинале во сообраќајни несреќи во Европа во 2023 година.

Тоа значи дека на милион жители се забележани 47 смртни случаи во сообраќајот.

Сепак, додека некои земји како Германија и Шведска имаат ниски стапки на сообраќајни незгоди, ризикот од сообраќајни несреќи со смртни последици е многу поголем во другите земји.

Земји со ниска стапка на несреќи

Германија и Шведска се меѓу најбезбедните земји во ЕУ. Во Германија лани имало 34 смртни случаи во сообраќајот на милион жители, додека Шведска е уште побезбедна со 22 смртни случаи во сообраќајот.

Земји со високи стапки на несреќи

Сепак, ризикот е значително поголем, особено на југот и на истокот на Европа. Во Словачка и Унгарија, бројот на загинати на патиштата е околу 50 на милион жители, што ги прави десетти најнебезбедни региони.

Најопасни земји за возачите во ЕУ се Бугарија и Романија, пренесува Fenix.de.

10 најопасни земји за возачите:

Бугарија (82 смртни случаи во сообраќајки на милион жители во 2023 година)

Романија (81)

Латвија (76)

Хрватска (71)

Португалија (61)

Грција (60)

Литванија (56)

Италија (52)

Полска (52)

Словачка (52)

Амбициозна цел на ЕУ

ЕУ си постави амбициозна цел: до 2050 година никој не треба да умира во сообраќај.

Овој проект е наречен Vision Zero. И ова веќе има влијание: додека во 2001 година повеќе од 51.000 луѓе загинаа на патиштата во ЕУ, 20 години подоцна таа бројка беше речиси 75 отсто помала.

Сепак, падот е забавен во последните години. Во 2021 година имало дури шест отсто повеќе смртни случаи во сообраќајот.

Затоа ЕУ планира дополнителни мерки за намалување на бројот на жртви во сообраќајот.

Тие вклучуваат нови ограничувања на брзината (30 км/час во населени места), нулта толеранција за возење под дејство на алкохол и нови асистенти за поддршка на возачот.

Според германските медиуми, 95 отсто од сите сообраќајни несреќи се предизвикани од човечка грешка.