Забава // Занимливости

Пар се самозапали на свадбата за да ги забавува гостите: Милиони го гледаа застрашувачкото ВИДЕО, невестата панично трчаше

  • 24 Октомври, 2024

Една штотуку венчана двојка успеа да ги шокира и гостите на свадбата и луѓето на мрежите

Млад брачен пар реши да ја прослави својата венчавка на крајно необичен начин. Иако сè повеќе парови се одлучуваат за уникатни начини за стапување во брак - скокање со банџи, под вода и слично, Гејб Џесоп и неговата сопруга Амбир решија да го кажат своето судбоносно „ДА“ во пламен.

Канадските каскадери кои работеле како дублери на филмски сетови се запознале преку работа и решиле дека најсоодветниот начин да ја прослават љубовта со оган. 

Видеото на TikTok кое стана вирално речиси преку ноќ има милиони прегледи, а сега на „X“ се појави видео од друг агол, кое покажа дека младенците не биле толку рамнодушни како што изгледаше на почетокот на скратената верзија што кружеше на мрежите.

Отпрвин се гледаат Гејб и Амбир како шетаат со спуштена коса, со букет во рацете, а потоа стигнуваат до олтарот, каде што ги гаснат со противпожарни апарати.

Тие завршија клекнати на земја, а оваа сцена многумина потсети на филмот „Игри на гладните“ во кој на сличен начин беа запалени актерите Џенифер Лоренс и Џош Хачерсон. 

Меѓутоа, во новото, нешто подолго видео, јасно се гледа моментот на блага паника кога парот претрча покрај гостите, бидејќи огнот опасно се качуваше кон косата на Амбир. 

За среќа, се‘ се заврши добро, иако за момент можеше да тргне наопаку. Инаку, младенците носеа гел против изгореници на косата и лицето.

Коментарите на мрежите само се редат, а додека некои ова ги сметат за претерано, има и такви на кои им се допадна изведбата.

Според вас, дали е ова храбро или глупаво?


Фото и Видео: „Х“

Можеби ќе ве интересира