Почина актерот познат по култниот филм „Кум“: Ја прекина кариерата кога дозна дека е болен!
Познатиот австриски актер Хелмут Бергер почина на 79-годишна
возраст, објави неговиот агент, а пренесе „Еј-би-си њуз“.
Бергер беше голема ѕвезда во 1960-тите и 1970-тите, а славата ја стекна во филмовите на италијанскиот режисер Лукино Висконти. Тој почина во Салцбург.
Бергер е роден во Бад Ишл, Австрија на 29 мај 1944 година. Работел како статист во Рим пред да биде откриен од Висконти, а подоцна да стане негов партнер. Висконти му ја дал својата прва улога во 1966 година.
Познатиот актер имаше истакнати улоги во филмовите на Висконти „Самрак на боговите“, „Лудвиг“, „Затворениот семеен круг“ како и во „Градините на Финци-Контини“ на Виторио Де Сика, „Доријан Греј“ на Масимо Даламан и подоцна во „Кум III“ од Френсис Форд Копола.
Откако се разболе, Бергер објави крај на својата актерска кариера во ноември 2019 година.
Фото: Инстаграм/Youtube - screenhsoot
