Познат македонски борач убиен во Блаце

Борачот Буњамин Нуиши загина при грабежот на казиното во Блаце, објавија од неговиот клуб Тефејуз. Нуиши важеше за еден од најдобрите борачи на клубот, а работел како обезбедување на казиното. Нуиши починал откако бил удрен со кундак во главата.

Покрај Нуиши, жртва при грабежот е и 22-годишниот В.Х. од Косово.

Последен пат Нуиши се бореше на Светскиот куп во шалвари Дунја купот во Кахраманраш во Турција. Тој тогаш победи во меч со борец од Белорусија, а потоа загуби од светскиот шампион од Азербејџан.