Пријател на Ди Каприо објасни што се крие зад строгото правило да ги остава девојките кога ќе наполнат 25 години: „Вистина е, тие тогаш стануваат вакви, тој старее, но неговиот вкус не“

Откако се дозна дека Леонардо ди Каприо стави крај на петгодишната врска со актерката и модел Камила Мороне (25), медиумите ширум светот пишуваат за правилото кое вели дека актерот никогаш јавно не излегува со жена над 25 години.

Извор близок до Леонардо ди Каприо објасни за Page Six што всушност се крие зад тоа.

„Кога девојките ќе наполнат 25 години, тие бараат нешто повеќе. Сакаат да се венчаат и да се смират. Тоа не го сака Лео. Тој не сака семејство и не сака да биде со жена која ќе тера тој да го направи тоа“, рекол неименуван извор.

„Штом ќе запознае девојка, часовникот почнува да отчукува. Ако по неколку години таа стане премногу стара, тогаш таа ќе стане минато. Истото е ако се обиде премногу да му се приближи“, додаде тој.

Тој исто така истакна дека Леонардо можеби старее, но дека „неговиот вкус не старее“.

За потсетување, извори за магазинот People потврдија дека Леонардо и Камила раскинале, но причината е непозната, освен што таа наполнила 25 години пред само два месеци.

Многумина го осудуваат оскаровецот и неговите „мизогински тенденции“, но психологот Ема Кени за „Сан“ изјави дека тоа не е нужно лошо за него:

- Неговата неспособност да преземе долгорочни обврски некои може да ја сфатат како мана во неговата природа, но поверојатно е дека тој ја развил поради неговото разбирање за непостојаниот свет на Холивуд, каде односите ретко го издржуваат тестот на времето. Тој е во многу необична ситуација, што му овозможува да избере со кого сака да биде додека не му здодее, или додека не сфати дека партнерот сака да се пресели на побезбедно место преку брак или деца.

- За разлика од Леонардо, кој е емотивно незрело машко дете кое одбива да порасне, тој едноставно може да препознае дека нема намера да се откаже од своите авантури и одбива да се усогласи со социјалниот модел што не чувствува потреба и желба да го следи, таа рече.

Фото: Профимедиа