Рибари уловиле „риба на судниот ден“: Се вели дека ова огромно животно предвидува катастрофа

Фотографија од двајца Австралијци брзо стана вирална откако беа прикажани како држат т.нoarfish, позната како „риба весло“ или „риба на судниот ден“, џиновска риба која обично живее во најдлабоките делови на океанот. Има глава што наликува на коњ, очи со големина на чинија и витко тело.

Оваа риба е наречена „риба на судниот ден“ и „гласник на палатата на богот на морето“ бидејќи се верува дека кога ќе се појави во плитки води претскажува големи природни катастрофи, како што се разорни земјотреси и цунами. Поради ова, фотографијата вознемири многу луѓе во Австралија и околните места.

Објавена на Фејсбук страницата на Fishing Australia TV, фотографијата привлече илјадници коментари и споделувања откако беше објавена.

„Прв пат слушам дека некој успеал да улови ваква риба. Повеќето од нив обично завршуваат на брегот и се мртви“, напиша колумнистот на локалниот австралиски весник Хералд Сан, Алекс Џулиус.

Тој додава дека рибата „не е многу погодна за јадење“.

„О, не, има вкус на желатин“, напиша тој.

Некои веднаш се запрашаа дали се работи за фотографија генерирана од вештачка интелигенција, додека други се шегуваа споредувајќи ја со познати анимирани ликови.

Другите беа посериозни, а еден коментар гласеше: „Во секој случај, ќе обрнам внимание на она што се случува во морињата околу Австралија во текот на следните денови“.

Фото: printscreen/facebook.com/fishingaustraliatv

Видео: Youtube