Розовата плажа во Италија: Како убава жена која сите ја сакаат, но со која никој не може да се справи

Ако треба да избереме една дестинација што би сакале да ја истражуваме и откриваме од година во година, Италија сигурно би била на самиот врв на листата ...

Оваа прекрасна европска земја може да ви понуди сè што сакате - висока мода, фантастична култура, изобилство на историја, најдобри светски ресторани, барови и места за ноќ, со хотели кои на свој начин го редефинираат терминот „светска класа“. Секако, тука се и природните убавини кои не смеат да се занемарат.

Опкружена со море, исполнета со планини, долини и рамнини, Италија е рај во Европа, кој ќе ги задоволи дури и најпрефинетите вкусови, кои сакаат да научат нешто сосема ново секогаш кога ќе започнат нова авантура. Еден од локалитетите што дефинитивно ќе ги воодушеви туристите од целиот свет е малиот италијански атол, кој е познат како „Розовиот рај“.

Песокот што ги краси плажите на овој атол е поскапоцен од самото злато. Будели, како што се нарекува овој атол, е опкружен со тиркизно море, исполнето со бујна вегетација и пурпурни карпи, додека вистинската глазура на тортата во целата приказна е единствената розова плажа која е вистински бисер на архипелагот Ла Мадалена. 

Овој заштитен, пуст остров е дом на неговиот чувар кој живее на него, грижејќи се за сите детали.

Иако овој атол е веројатно најубавиот во целиот Медитеран, Италијанците велат дека е како убава жена, која сите ја сакаат, но со која никој не може да се справи. Дали би го посетиле?