Рускиот Попај покажа бицепс кој изгледа ужасно! Неговата мајка е загрижена: "Изгледа како инфекција, можеш да ја изгубиш раката"
Рускиот инфлуенсер Кирил Терешин, познат по прекарот Попај, повторно ја шокира јавноста, а неговите следбеници на мрежите стравуваат дека тој е во опасност. Овој човек себеси се нарекува „професионален бодибилдер“, а претходно имал здравствени проблеми бидејќи ги зголемил бицепсите со мешавина на база на масло „синтол“.
Во една од последните кадри, објавена на страницата на Инстаграм „Базука Раце“, Терезин покажува огромни бицепси, а многумина се загрижени.
„Ова нема да заврши добро“, напиша еден корисник, а друг додаде: „Изгледа како инфекција, може да ја изгубите раката“.
Десниот бицепс на рускиот инфлуенсер изгледа загрижувачки, но не е познато дали има некаков здравствен проблем. Британски Дејли Стар пренесува дека освен бројните следбеници загриженост изразува и неговата мајка.
„Тоа е лошо за неговото здравје. Од време на време има воспаление. Нема ништо добро во тоа. Секако, како мајка многу се грижам“, рече таа.
Хирургот Дмитриј Мелников минатата година предупреди дека компликациите предизвикани од инјекциите засновани на „синтол“ може да доведат до фатален исход.
„Ризикот од компликации во овој случај е многу висок. Токсичната супстанција во телото може долгорочно да ја комплицира функцијата на бубрезите и да доведе до смрт“, објасни тој.
Потсетуваме, Терешин на почетокот на ноември ги изненади своите следбеници со видео од станот во кој живее, вредно 236.000 евра.
Просторот изгледаше запуштен, а младиот човек прв ја покажа бањата.
„Да почнеме со мијалникот и бричот за еднократна употреба. Девојките што доаѓаат кај мене го користат. Избирам само атрактивни“, изјави инфлуенсерот.
Подоцна објаснил дека бил „премногу мрзлив“ да го исчисти станот и верувал дека тоа ќе го направи неговата идна сопруга.
(Курир/Телеграф.рс/А.Г.)
