„Се дрогирав заедно со татко ми, но веќе 24 години сум „трезна“ и „наскоро ќе умрам“ : Исповед на легендарната актерка за пеколот на зависност и сознанието за крајот
Актерката Џејми Ли Кертис вели дека била толку зависна што се дрогирала со својот славен татко, легендарниот Тони Кертис
Американската актерка Џејми Ли Кертис (64) беше зависна од алкохол, но и од дрога, кон крајот на 80-тите.
Но, таа успеа да ја добие својата борба со самата себе и денес не вкусила алкохол цели 22 години.
Своето патување од зависност до трезвеност го сподели на Инстаграм со фотографија од нејзините помлади денови на која држи чаша алкохол во раката.
„Еднаш, многу одамна ... во далечна, далечна галаксија ... Бев млада sвезда во војна со себеси. Не знаев тогаш. Земав сè и го чував скриен. Бев исто толку болна како и моите тајни“, вака американската актерка ја започна својата исповед и им се заблагодари на сите што и помогнале во оваа борба.
„Со Божја благодат и поддршка од многу луѓе, кои можат да ги разберат моите емоции, и неколку ангели на трезвеност ... успеав да останам трезна 22 години“.
Таа додаде дека не била од оние алкохоличари кои го допирале само дното, па затоа една од ретките фотографии на која гордо пие е многу корисна за да го запомни тоа време.
„За сите што се борат и на оние кои се на тој пат ... Мојата рака е во вашата “, заклучи Џејми.
Патем, нејзината зависност од дрога, а потоа и од дрога и алкохол, започна кон крајот на осумдесеттите години.
Како што вели од првиот состанок на 3 февруари 1999 година, таа е трезна и денес присуствува на состаноците за да остане трезна и да им помагне на другите во нивната борба.
Актерката откри и како сознанието дека „наскоро ќе умре“ ја поттикнало да направи голема промена во кариерата.
Во новото интервју за „Ентертејмент викли“ откри дека соочувањето со смртта ја инспирирало да го направи следниот чекор во нејзината кариера.
Додека разговараше за нејзината работа како продуцент на претстојниот документарен филм за фитнес иконата Сузан Паутер од 90-тите (и нејзиното потенцијално враќање во серијата филмови „Ноќ на вештерките“), 65-годишната актерка изјави за EW дека работата на проектот „Паутер“ ја натерал да размислува за нејзината позиција во индустријата која често ги отфрла жените на одредена возраст.
„Требаше да глумам во филмот“, вели Кертис, додавајќи дека некогаш сакала да ја портретира Паутер во проект за време на врвот на славата на велнес иконата во средината на 1990-тите.
На прашањето дали во 90-тите години ја имала идејата да ја игра Паутер во филм, Кертис рече дека во тоа време немала самодоверба да продолжи со таков проект.
„Зачекорив во мојата моќ како продуцент дури кога сфатив дека наскоро ќе умрам. Кога наполнив 60 години, тоа беше вистинска пресвртница кога сфатив дека сè што држам во мојата глава, срце, ум, душа, духовна сила и животна енергија да ги оставам со мене ако не ја изнесам на светот“, објасни таа и додаде дека по тоа сознанието решила да основа своја продуцентска куќа Comet Pictures.
„Тоа беше мојот момент на вистината, и тогаш отидов кај Џејсон Блум и му реков: „Сакам продукциска компанија“. На сите ни се исплатеше прилично добро“, изјави актерката.
Фото: Profimedia
