Седлоски: Ова е шанса за историја, сакаме да ја искористиме, одиме на победа против Балкани

Шкупи в четврток го пречекува косовски Балкани, плејоф, прв меч за пласман во УЕФА Конференциската лига.

Тренерот на македонскиот првак, Гоце Седлоски, смета дека е ова голема шанса за историски резултат, противникот не се потценува, но не се преценува.

„Треба да одиграме најдобро што знаеме, да бидеме максимално фокусирани и да извлечеме добар резултат, подготвени сме за тоа, верувам дека моите фудбалери успешно ќе ги одработат поставените задачи. Противникот е анализиран, догро ги знаеме неговите квалитети, игравме и пријателски натпревар. За нас ова е историски меч, па сакаме да бидеме дел од историјата“, изјави Седлоски.

Натпреварот меѓу Шкупи и Балкани е закажан за утре во 21:00 часот.