СЕХА: Вардар го пречекува Нексе, билети во продажба, Недановски најавува добар резултат

Шампионот на Македонија во ракомет, Вардар, утре од 20.15 часот во СЦ „Јане Сандански“, го пречекува Нексе од Хрватска, меч за пласман на Ф4 турнирот во СЕХА Газпром лига кој ќе се одржи од 2-4 септември во Задар.

Тренерот на Вардар 1961, изјави дека Нексе е добро анализиран, и очекува поволен резултат.

„Ние скоро секоја година играме со нив по два натпревари, оваа сезона двапати губевме од нив. Нексе е добар тим кој пред два месеци играше Фајнал-фор турнир во Лигата на Европа, тоа не е случајно. Анализата е направена, немавме премногу видео-материјал бидејќи играа натпревари од затворен тип. Се надевам на добар резултат на утрешниот дуел“ – рече Недановски.

Капитенот Стојанче Стоилов вети голема борба со стариот добар познаник Нексе.

„Со Нексе добро се познаваме, гледаме со респект кон нив, станува збор за тврда екипа која не ја победивме минатата година, сега се надевам дека резултатот ќе биде поинаков. Имавме малку време за подготовки, очекувам поддршка од публиката и полна сала“, изјави Стоилов.

Вардарци бараат поддрша од навивачите, билетите се во продажба.

https://mktickets.mk/.../hc-vardar-1961-hc-nexe-seha-league/