Сексот без обврски станува сè поприфатлив кај христијаните
Ставовите на
религиозните луѓе во САД стануваат полиберални кон разбирањето на односите и
партнерствата
Половина Американци кои признаваат дека се христијани сметаат дека е морално прифатлив сексот „без обврски“ кај возрасните, во согласност со луѓе кои не се во сериозна врска.
Ова понатаму укажува на тоа дека ставовите на религиозните луѓе стануваат полиберални кон разбирањето на односите и партнерствата надвор од бракот.
Интересно е и тоа што католичките христијани се нешто поотворени за необврзувачки врски отколку оние кои припаѓаат на различни групи протестанти. Ова го покажа истражувањето неодамна спроведено од американскиот истражувачки центар „Пју“.
Многу христијански традиции го осудуваат сексот пред брак. Иако христијаните во Соединетите држави имаат помалку отворени ставови за романтичните врски и секс отколку Американците кои не припаѓаат на верска заедница, повеќето велат дека е прифатливо, барем во некои околности, двајца возрасни да имаат сексуален однос надвор од брак, со заедничка согласност.
Половина христијани велат дека сексот без обврски - дефиниран во истражувањето како сексуален однос помеѓу возрасни, меѓусебно консензуални луѓе кои не се во силна романтична врска - е понекогаш или секогаш прифатлив.
Шест од десет католици (62%) ја заземаат оваа позиција, како и 56% од протестантите од историски црната традиција, 54% од членовите на мејнстримот на протестантизмот и само 36% од евангелистичките протестанти.
Кога станува збор за сексуални односи меѓу партнери кои се во романтична врска, но надвор од брачната заедница, разликата во одговорите на припадниците на христијанството и оние кои не се религиозно определени е помалку изразена.
Мнозинството христијани (57 проценти) велат дека сексуалниот однос помеѓу невенчаните возрасни лица во посветено партнерство е понекогаш или секогаш прифатлив.
Осум од десет нерелигиозни Американци (79 проценти) велат дека сексот помеѓу невенчани парови во сериозна врска е понекогаш или секогаш прифатлив.
Меѓу христијаните, но и Американците воопшто, има помалку ставови на одобрување кон другите сексуални и практики на „излегување“ споменати во истражувањето, како што се: сексуални односи на првиот состанок, размена на експлицитни сексуални фотографии со други возрасни лица со заедничка согласност или според практиката на „отворена врска“, која во овој случај се дефинира како посветена врска во која обете страни се согласуваат да можат да се гледаат или да имаат сексуални односи со други луѓе.
Колку често Американците присуствуваат на верски служби е уште еден фактор што влијаеше на тоа како одговориле на овие прашања.
Оние кои одговориле дека, пред избувнувањето на епидемијата на коронавирус, тие оделе на служби почесто, биле помалку склони да ги одобрат споменатите навики поврзани со сексот на првиот состанок или концептот на „отворена врска“.
Извор: danas.rs
Можеби ќе ве интересира:
Мојот пенис не ме слуша: На што најмногу се жалат луѓето во долги врски
