Спорт // Спорт

Шок одлука по мечот со Надал: Ѓоковиќ се повлече од турнирот!

  • 30 Јули, 2024

По грандиозното отварање на Олимпијадата, веќе почнаа да се нижат медали. Засега водат Кина и Америка, но долг е патот до финишот.

Олимпијадата само се загрева засега, но Новак Ѓоковиќ нема да го гледаме следната недела во Монтреал. Дали српскиот ас чекаше да види како ќе помине на дуелот со Рафаел Надал, за да одлучи дали ќе игра на следниот Мастерс 1.000, не знаеме, но така испадна.

Ѓоковиќ четири пати освојуваше титули во Канада, последен во 2016 година, но поради незгодниот тајминг често го прескокнува ова натпреварување. Турнирот кој наизменично се одржува во Монтреал и Торонто е прв во низата големи предизвици по Вимблдон и затоа е рано за Ноле. Годинава има еден месец игра на крајот на летото - Мастерсот во Синсинати, УС Опен и Дејвис купот против Грција во Белград - па логично е патот до Канада повторно да биде пречкртан.

Она што сигурно нема да им се допадне на организаторите е тоа што Ноле најверојатно нема да биде последното големо име што ќе испадне од списокот на учесници. Како што продолжуваат Игрите, ќе има повеќе асови кои ќе се откажат бидејќи е многу заморно да се скока од континент до континент, од рампа до рампа за толку кратко време.

Ниту Рафаел Надал не планира да игра во Канада, не се ни пријавил, а за организаторите секако е добра вест што Јаник Синер се уште е на списокот. Првиот светски рекет ја брани титулата, но го откажа учеството на Олимпијадата. Италијанецот се штеди за одбрана на трофејот и 1.000 бодови, не сакаше ништо да ризикува поради повредата, па најверојатно следната недела ќе биде на теренот.


Можеби ќе ве интересира