Што ќе биде со куќата на Хитлер: Никогаш повеќе нацистичка

Роднота куќа на Адолф Хитлер во Браунау, северна Австрија, ќе биде претворено во полициска станица, соопшти австриското Министерство за внатрешни работи по долгогодишните расправии со семејството кое е сопственик на објектот.

Австриската влада сака да ја спречи куќата во која се роди Хитлер, на 20 април 1889 година, да стане место на аџилак. Како и да е, оваа година се заврши правната битка околу висината на надоместокот за семејството Помер, кое беше сопственик на куќата скоро еден век.

Министерството за внатрешни работи соопшти дека сега ќе бараат архитектонски проекти за претворање на домот во полициска станица.

„Идната употреба на полицијата треба да стави до знаење дека зградата никогаш нема да биде место за комеморација на нацизмот“, рече министерот за внатрешни работи Волфганг Пешкорн во изјавата.

Архитектонскиот натпревар ќе биде објавен на европско ниво во ноември. Одлуката ќе биде донесена во почетокот на 2020 година.

Највисокиот правен орган во Австрија оваа година одреди 810.000 евра како компензација за семејството Помер. Објектот инаку се користеше како центар за хендикепирани лица.

Сепак, во 2011 година, семејството кое ја поседува куќата одби да ги финансира работите за реновирање и одби да ја продаде куќата така што таа остана празна.

Иако Адолф Хитлер поминал кратко време во куќата, таа продолжува да ги привлекува нацистите од целиот свет. Антифашистите организираат митинзи пред таа куќа секоја година на роденденот на Хитлер.