СИТЕ СЕ ЕФИКАСНИ, АМА ЕДНА ШТИТИ НАЈМНОГУ ОД ДЕЛТА СОЈОТ: Што откриваат научниците за вакцините?
Вакцината Фајзер/БиоНТек е ефикасна 70 проценти против Делта сојот на корона вирусот, покажа најновото истражување спроведено во Израел.
Резултатите од студијата на хебрејскиот универзитет Западен Ал Кудс (Ерусалим) за ефикасноста на вакцината ги објави израелската јавна радиодифузна корпорација (КАН), а новото откритие се споредува со 95 проценти од ефективноста на вакцината против поранешните видови на вирусот.
Делта варијантата, прва откриена во Индија, е одговорна за повеќе од 90 проценти од новите случаи на КОВИД-19 во Израел во изминатите две недели.
Што се однесува пак до вакцината на АстраЗенека, истражување направија научниците во САД, каде дури 40% од новите случаи се со делта вараијантата. Добрата вест и оттаму е дека вакцините се доста ефикасни против оваа варијанта.
„Изгледа дека сите вакцини работат против варијантата делта“, вели Моника Ганди, експерт за инфективни болести на Универзитетот во Калифорнија во Сан Франциско. Ганди вели дека дури и меѓу ретките случаи кога вакцинираните лица се здобиваат со делта, симптомите се типично слаби.
„Вакцинираните луѓе не треба да се грижат за варијантата делта“, вели таа
