Сопругата на Меси објави фотографија во предизвикувачко издание, поради еден допир ја споредуваат со „озлогласената“ Ванда

Антонела Рокузо, сопругата на аргентинскиот фудбалер Лионел Меси, од крајно бизарна причина се најде во центарот на вниманието на социјалните мрежи.

Госпоѓа Меси не е од оние сопруги на фудбалерите кои претерано се експонираат во јавноста, но доволна беше една обична фотографија од одмор за да се најде на удар на непримерни коментари.

Антонела ужива на јахтата со сопругот, во кругот на пријатели, меѓу кои бил и Луис Суарез, долгогодишниот соиграч на Лео од Барселона и Интер од Мајами.

Таа додека позира пред камерите го допира со раката Суарез, што било причина на интернет да почнат да ја споредуваат со Ванда Нара. Потсетуваме, Ванда еднаш го изневеруваше Макси Лопес, нејзиниот тогашен сопруг, со неговиот најдобар пријател Мауро Икадри.

Подоцна, Ванда се омажи за Икарди, чиј менаџер беше долги години, и има деца со него. Ова го искористија поединци за невкусни коментари, во кои направија паралела помеѓу Антонела и Ванда.

Инаку, сопругата на Меси покажа дека е во совршена физичка форма, каде на фотографиите до израз дојде нејзиното совршено извајано тело во бикини.