Срце посилно од јагуар! Како Габи стана херој

 Срце посилно од јагуар! Приказната за женскиот германски овчар чиј споменик се наоѓа во ЗОО во Белград - Габа:

Судбината сакаше да се случи нешто неочекувано една ноќ. Женката јагуар успеала да скокне од кафезот и за малку ќе стигнала до управната зграда. Кога чуварот, кој патролирал со кучиња, стигнал до тој дел од Градината, Габи нагло застанала слушајќи внимателно. Таа останала целосно замрзната неколку секунди, а потоа се втурнала во темнината со брзина на куршум, додека другото куче - мажјак од германски овчар - со виење трчало во спротивна насока.

Чуварот останал збунет, сè уште не разбирајќи за што се работи. Дури кога татнежот и лаењето почнаа да ја нарушуваат ноќната тишина и кога во темнината забележал зовриена топка од која излегоа канџи и заби, му беше јасно дека тоа е некој вид ѕвер.

Возбуден притрчал до телефонот и ја известил полицијата за тоа што се случува во Градината. Полицијата го разбудила директорот Бојовиќ и заедно притрчале да го спречат избеганото животно. Веднаш утврдиле дека се работи за женски јагуар, млад и полн со сила.

Габи била пронајдена во ходник во непосредна близина на кафезот од кој избегал јагуарот. Лежела полумртва, во голема локва крв.

Таа вечер бестрашно се упатила кон јагуарот, се борела со него и, иако бил неспоредливо поголем и посилен противник, не отстапила ниту за момент. Таа го спречила опасниот ѕвер да се нафрли на чуварот или да ја прескокне оградата на Градината и да нападне некој од граѓаните. Таа не престана да го брка  животното се додека не го донесла до влезот на кафезот. Тогаш исцрпеноста  ја натерала да се довлечка до првото засолниште каде што паднала.

Габи стана вистински и жив херој. Веднаш била пренесена на Факултетот за ветеринарна медицина каде била оперирана. Потоа била вратена во зоолошката градина, каде што била негувана долго време додека целосно не и се обнови силата.

Наскоро продолжила да работи како чувар.

Во спомен на нејзиниот херојски подвиг, денеска посетителите на белградската зоолошка градина имаат можност да продолжат да се восхитуваат на оваа необична кучешка личност, на која за време на нејзиниот живот и е подигнат споменик на кој пишува: „Кучката Габи, нејзиното срце беше посилно од јагуар“. .

На фотографијата Геби со нејзиниот споменик.