Статуи на дното од морето: Мамец за туристи или нешто многу повеќе?

Островите Гили во Индонезија се сметаат за едни од најубавите острови во светот, а особено најмалку од нив, Гили Мено, кој покрај убавината нуди и еко-музеј совршен за нуркачи со ентузијазам.

Овој остров е направен за лесно уживање. Бунгалови на плажа со бел песок, сенка на палми, чиста кристална вода, желки, корали.

Ако мислевте дека има многу места со овој опис, да додадеме уште една интересна работа - статуи околу островот Гили Мено.

Овие не се какви било статуи и не се на вообичаеното место каде некој би ги забележал. Тие се наоѓаат на длабочина од четири метри, а наскоро станаа вистинска нуркачка атракција.

Овој проект е наречен „Гнездо“ (место за криење) и беше започнат од еко-одморалиштето на БАСК, а статуите ги создаде британскиот скулптор Jејсон Декарес Тејлор, кој изгради неколку подводни музеи на Канарските острови, Мексико, Гренада...

Овој подводен музеј не е дизајниран да биде туристичка атракција и има подлабоко значење. Статуите го претставуваат животот и неговиот постојан проток, а 48 статуи со природна големина на свој начин го претставуваат токму тоа на „морски начин“.

Статуите се моделирани по вистински луѓе, и се чини како да се во вода долго време, а не неколку години. Причината е начинот на кој тие се направени. Сосема безопасно за околината, од неутрални материјали што не само што не го загрозуваат морскиот свет, туку и ќе го привлечат.

Ова е причината поради која статуите изгледаат стари, а тие станаа нов дом за корали и желки, кои стануваат сè малубројни заради човечко занемарување и загадување, како и преголем риболов.

Покрај тоа што статуите стануваат нови корални гребени и засолниште за морски животни, креаторите на проектот се надеваат дека оние што уживале во овој музеј ќе бидат свесни за животната средина и ќе им ја пренесат на другите важноста за грижата за природата.