Татко исчезна со три деца без трага! Не ги виделе три години, сега е објавено мистериозно видео: Фигури шетаат низ дивината во маскирини униформи

Видеото со низок квалитет, снимено на карпестиот западен брег на Нов Зеланд, е првото видување на таткото и трите деца кои исчезнале пред години и се верува дека оттогаш живеат во дивина.

Том Филипс, со неговата ќерка Џејд, која сега има 11 години, синот Маверик (9) и најмладата ќерка Ембер (8), исчезнаа од новозеландскиот град Марокопа во декември 2021 година.

Оттогаш, полицијата добила стотици пријави дека се видени со Филипс, но никој никогаш не ги забележал децата

Видеото, кое е создадено на 3 октомври, прикажува четири лица во маскирна опрема како носат големи ранци. Возрасен човек чекори пред децата додека се движат по ридовите недалеку од нивниот поранешен дом во Марокопа.

Четворицата ги снимиле ловци на свињи, а снимката и била предадена на полицијата која започнала масовна потрага. Засега не е пронајдена никаква трага.

Новозеландскиот полициски инспектор Ендрју Саундерс потврди дека снимката се третира како веродостојна.

-Ова е првпат да ги видиме сите три деца, што е позитивна информација и знаеме дека ќе биде охрабрувачко за семејството на децата.

Таткото и трите деца исчезнаа за прв пат на 11 септември 2021 година.

Полицијата и службите за итни случаи, заедно со стотици волонтери и локалното население поминаа денови во потрага по семејството откако пикапот на Филипс бил пронајден на плажата Киритехере.

Осумнаесет дена подоцна, тие се вратиле на семејната фарма и им кажале на своите роднини дека живееле во шатори во дивината.

Неколку месеци подоцна, тие повторно исчезнаа, а последен пат беа видени заедно на 9 декември 2021 година.

WATCH: Missing fugitive New Zealand father Tom Phillips and his three children are spotted alive and well - three years after they vanished without a tracehttps://t.co/YyPK1u2wJ3 pic.twitter.com/mX8H67ZcjW

— Video Forensics (@Video_Forensics) October 9, 2024

По Филипс беше издаден налог за апсење откако тој не се појави на суд во јануари 2022 година за „трошење полициски ресурси“ за време на потера.

Тој сега се бара за наводниот вооружен грабеж на банка во градот Те Куити, недалеку од Марокопа.

Во јуни оваа година беше понудена награда од 80.000 долари за информации кои водат до локацијата на трите деца, но нема напредок и покрај 40 пријави.

Кетрин претходно го обвини Филипс за загрозување на децата.

„Ембер е астматичар како мене и има потреба од медицинска нега што не може да се обезбеди во дивината“, рече таа.

- Тоа е запоставување на децата, тоа е напуштање на детето, тоа е злоупотреба на деца.  Моите бебиња заслужуваат подобро, рече Кетрин, мајката на децата и сопруга на Филипс.