Точното време да биде совршено видливо дури и ноќе: 150.000 долари

Како дел од прославата на неговата годишнина, германскиот производител на часовници создаде нова итерација на неговиот познат дигитален часовник, Zeitwerk, кој ги доби најексклузивните елементи на брендот, со цел да стане навистина посебно ремек-дело. Новиот A. Lange & Sohne Zeitwerk Honeygold Lumen го доби познатиот дизајн и распоред на Zeitwerk.

Претходните итерации главно беа креирани од платина, додека овој нов модел со димензии 41,9 mm x 12,6 mm е изработен од Honeygold злато, што е само една од многуте патентирани иновации на познатиот бренд. Специјалната легура од 18 карати создадена со разни додатоци и специјални термички третмани му даде на овој часовник прекрасен изглед.

Како што сугерира името, новиот часовник е дел од колекцијата Lumen на познатиот бренд, кој доаѓа со полупроѕирен бројчаник развиен од Lange, кој овозможува прикажувањето на точното време да биде совршено видливо дури и ноќе. Осветлените бројки под проѕирниот дисплеј му даваат на моделот Zeitwerk навистина уникатен карактер, а покрај тоа, неговото куќиште крие нов механизам кој ја зголемува енергетската резерва на 72 часа.

Деталите за механизмот и неговите мостови се изработени од сурово сребро и се гледаат низ задниот дел на куќиштето создадено од кристал од сафир. Изгледот на часовникот го комплетира темно кафеава кожна лента која совршено го надополнува темниот бројчаник. Ќе бидат произведени само 200 примероци од овој часовник, а цената на еден е 150.000 долари.