Том Форд лансира часовник од рециклирана пластика: Не е луксиз, ама е!

Пластиката обично не е материјал што би го поврзале со модерен луксуз, но Том Форд сака да го смени нашето размислување

Славниот американски дизајнер штотуку објави дека оваа есен ќе го лансира првиот луксузен часовник направен целосно од рециклирана пластика од океанот. Швајцарскиот часовник, кој ќе биде познат како Tom Ford Ocean Plastic Timepiece, ќе се обиде да се справи со проблемот со загадувањето со пластика, со помош на мултилатерален пристап. Самиот часовник е направен од пластичен отпад што беше изнесен од океанот со помош на неутрален јаглероден транспорт, а потоа се чуваше во Швајцарија. Покрај сето тоа, придружното пакување ќе може да се рециклира и целосно.

Секој еколошки часовник трајно ќе отстрани пластика што е еквивалентно на 35 пластични шишиња од светските океани, во кои секоја година се исфрлаат околу осум милиони тони пластичен отпад. Ова намалување станува уште поимпресивно кога се гледа на скала. На секои 1.000 произведени и продадени часовници, 245 килограми пластичен отпад нема да стигнат до океанот и пренатрупаните депонии.

„Според мене, етичкиот луксуз е најдобриот вид луксуз. Неверојатно е привлечно да се знае дека не само со носење квалитетен производ, туку само со тоа што го поседувате, вие директно влијаете на подобрувањето на состојбата на нашата планета “, рече славниот дизајнер.

Деталите за неговиот дизајн ќе бидат откриени подоцна оваа година, но се очекува да ги содржи сите луксузни детали кои се синоними за оваа марка.

Засега знаеме дека цената на овој модел ќе биде 995 долари, и дека ќе биде достапен за купување во бутиците на Том Форд ширум светот и преку Интернет, од ноември оваа година.