Том Круз ќе изведе акробации на Олимписките игри: Актерот има посебна задача на затворањето!

Актерот треба да биде дел од акробацијата...

По спектакуларното отворање на Олимписките игри во Париз, организаторите вложуваат максимални напори крајот да биде незаборавен. Затоа Том Круз ќе биде дел од церемонијата на затворање на Олимписките игри и, според TMZ, ќе има посебна задача. Според овој портал, актерот треба да биде дел од каскадерски потфат.

Планот е холивудскиот актер да изведе акробации и да се спушти од врвот на Стад де Франс на теренот на претстојното затворање, носејќи го официјалното олимписко знаме.

На овој начин знамето на Олимписките игри би му било предадено на Лос Анџелес, кој ќе биде следниот домаќин на овој спортски настан во 2028 година.

Инаку, Том Круз престојува е во Париз, каде што гледал натпревари како пливање и гимнастика. Тој го привлече вниманието на публиката, а многу од нив сакаа да се сликаат со холивудската суперѕвезда.

Круз ја покажа својата умешност во акционите сцени во „Невозможна мисија“ и „Топ Ган“ и често изјавуваше дека ужива во чувството на адреналин, поради што не сакаше да ја користи помошта на каскадерите во многу акробации.

Во „Последниот самурај“ од 2003 година, Круз избегна трагична несреќа додека ги изведуваше своите акробации. За време на снимањето на сцената со борбата, актерите јавале механички коњи, а еден од нив морал да застане пред актерот Хиројуки Санада да замавне со самурајски меч на Круз. Сепак, коњот не застанал, а Круз наводно дошол на неколку сантиметри од сабјата пред Санада да може да се повлече, избегнувајќи контакт со Круз.