Вистинскиот Тарзан почина: Во шума живееше 40 години, цивилизација виде пред самата смрт

Вистинскиот Тарзан, кој живеел во виетнамска џунгла речиси 40 години, почина од рак на црниот дроб на 52 -годишна возраст, осум години откако бил донесен во „цивилизираниот свет“, пренесува Дејли Меил. 

Хо Ванг Ланг подлегнал на смртоносната болест минатата недела, откако претходно живеел во џунглата со својот татко 41-на година. 

Таткото и синот, кои до 2013-та година мислеле дека војната во Виетнам се уште трае, се вратиле во цивилизацијата откако Хо Ван Тан се разболел. Тан, кој инаку бил војник, побегнал со својот син во џунглата, откако неговата сопруга и двете деца биле убиени во бомбардирањето. 

Двајцата живееле во шумата во областа Тра Бонг со децении, пред да бидат пронајдени од локалното население. Тан починал во 2017-та година, а причината за смртта е непозната. Двајцата преживувале хранејќи се со овошје и растенија од шумата, како и со пченката што тие ја саделе. 

Тие правеле престилки од кора од дрвја, кои ги носеле, а живееле во колиба на пет метри над земјата. Кога локалните жители, кои го барале дрвото, ги виделе, ги пријавиле кај надлежните, кои го нашле во август 2013-та година. 

Таткото знаел да комуницира повеќе на малцинскиот јазик, додека синот знаел само неколку зборови. По медицинските прегледи, двајцата полека се „интегрирале“ во општеството. 

Пријателот на Ланг, Алваро Серезо, истражувач кој живеел со него една недела во џунглата, верува дека Ланг го „убил модерниот живот“ и дека неговото тело и тој не можеле да издржат таква драстична промена. 

„Живееше во џунглата цел живот, а потоа беше преместен во„ цивилизираниот свет “каде јадеше преработена храна, а понекогаш и пиеше алкохол“, рече Серезо.

Фото: Mercuru press& Media Ltd.