Зар е луд? Маж се обидел да прошверцува стотина змии во панталоните

Царинските службеници во јужниот кинески град Шенжен го фатиле мажот кој патувал низ пристаништето Футиан на контролниот пункт меѓу Хонг Конг и континентална Кина. Тој е фатен во обид да пренесе 104 живи змии во Кина. Рептилите му биле напикани во панталоните, пренесува Си-Ен-Ен.

„За време на претресот, полицајците пронашле шест торби со врвка запечатени со лента. Тие беа сместени во тајни џебови од панталоните. Службениците ги отвориле торбите и утврдиле дека во секоја има неколку живи змии со различни форми и бои“, се вели во соопштението на Кинеската царина.

Подоцна биле идентификувани пет видови змии, од кои четири не биле по потекло од Кина.