Земјата во која „тече мед и млеко“: Зошто сите доаѓаат да живеат овде!

Државата Нов Зеланд со години активно работи на привлекување на богатите. Ако инвестирате 10 милиони долари од Нов Зеланд во локална банка или недвижен имот и поминете 44 дена на островите, ќе добиете дозвола за постојан престој, а нема да морате ниту да знаете англиски.

Исто така, нема да мора да станете даночен обврзник, затоа не е изненадувачки што Нов Зеланд стана дестинација која најбогатите луѓе во светот ја претпочитаат за својот дом во изминатите неколку години, пишува американскиот Блумберг. Досега 121 богаташ се стекнаа со право на престој на овој начин, додека 800 од нив добија право да престојуваат постојано во Нов Зеланд во замена за инвестиција од 1,5 милиони долари.

Растојанието на островот повеќе не е пречка. Се чини дека сите се во Нов Зеланд - од рускиот магнат Александар Абрамов, преку американски инвеститори, ИТ богаташи до познатиот режисер Џејмс Камерон. Најбогатиот Кинез на светот, Џек Ма, сопственикот на гигантот за електронска трговија „Алибаба“, наскоро би можел да стане Киви, како што се нарекуваат жаргонски жителите на островот, по птицата што е заштитен знак на оваа земја.

Дека Ма не е единствениот што сака да стане Киви, сведочат и над 10.000 барања за преселување испратени до имиграционите власти на Нов Зеланд од граѓаните на Велика Британија по референдумот за Брегзит. Фактот дека цените на недвижностите на островите се зголемија за скоро 13% само во последната година и дека се двојно повисоки отколку во 2007 година, сведочи и за големиот интерес во Нов Зеланд.

На растот на цените на недвижнините влијае и растечкиот број на Новозеланѓани кои по кариерата во светот, решаваат да ги основаат своите семејства дома, каде што, како што велат, е побезбедно. Нов Зеланд е двојно поголем од Велика Британија, но со 10 пати помалку жители, па можете да најдете многу привлечни локации на островот. Земјата е на самиот врв на светот според квалитетот на животот и бележи најниски стапки на корупција и криминал. Од минатата година, Нов Зеланд е најдобра дестинација според познатата листа на „Дуинг бизнис“ на Светска банка, доколку сакате да работите.

Фактот дека, покрај апсолутно слободните избори, земјата го смени премиерот двапати во изминатите 17 години зборува и за политичка стабилност во земјата. Последниот голем инцидент во Зеланд се случи во 1985 година, кога француските шпиони разнесоа брод во сопственост на еколошката организација „Гринпис“, закотвен во Окланд, пренесува Н1.

(Извор: bizlife.rs)