Животната сторија на Ристо Шишков: Во негова чест во Струмица се одржува Фестивал на камерен театар
Традиционално фестивалот на камерен театар „Ристо Шишков“ почнува на 08 септември, Денот на независноста на нашата земја. Годинава поради пандемијата од коронавирус фестивалот ќе се одржи на отворено,односно ќе се одржува во Градскиот парк во струмица. Од утре до недела (13 септември) ќе се одржи 28 издание на Фестивалот на камерен театар „Ристо Шишков“, соопштија организаторите.
До почетокот на фестивалот организаторите уверуваат дека ќе се постават сите потребни елементи за ноормално одвоивање на камерениот театар, а први на старото на фестивалот се очекува да настапат актери од Струмичкиот театар „Антон Панов“.
Ристо Шишков е истакнат македонски филмски и театарски глумец, кој е роден на 23 март 1940 , а умира на 17 јули 1986.
Ристо Шишков е роден во 1940 г, во селото Мрсна, Серско, Егејска Македонија, во ситуирано трговско семејство. Татко му Васил и најстариот вујко лежеле 4 години затвор на Крит. Во 1942 година Ристо ја доживува трагичната судбина на децата-бегалци. Преку Бугарија во 1945 година неговото семејство доаѓа во Струмица, каде тој се школува.
Имал првична намера да студира атомска физика, но наеднаш се премислува, па во 1962 година дипломира на Театарската академија во Белград, на отсекот за глума. По двегодишната работа во Југословенскиот драмски театар во Белград, Шишков доаѓа во Скопје и од 1 октомври 1964 година станува член на Драмата на Македонскиот народен театар. Играл во 54 театарски претстави, снимил 11 филма (во дванаесеттиот, „Води“, неговата ролја е преснимена), пет телевизиски драми и три телевизиски серии, повеќе радиодрами. Добитник на една театарска награда на МТФ „Војдан Чернодрински“ во Прилеп (1977 година) за улогата во претставата „Крчма под зеленото дрво“.
Во 1979 е обвинет во навреда на српски и хрватски артисти, исто како и на Тито. Обвинет како националист, сепаратист и хегемонист на 15 јануари 1980 заминува во затвор. По боледување умира на 17 јули 1986 година во Скопје.
Во негова чест, од 1992 година во Струмица се одржува Фестивалот на камерен театар „Ристо Шишков“. Син на Шишков е познатиот македонски глумец Васил Шишков.
