Зошто Магнезиумот е толку значаен за нашето здравје?

Магнезиумот е одговорен за 300 биохемиски реакции во телото и влијае на крвниот притисок, метаболизмот, имунитетот и многу други важни функции на телото. Недостатокот на магнезиум е многу распространет проблем во последниве години, а некои од главните причини се тоа што го има помалку во почвата и храната што ја јадеме поради загадувањето. Исто така,некои секојдневни навики како уживањето во кофеин и внесувањето на големи количини шеќер влијаат на недостатокот на магнезиум во телото. Недостатокот на магнезиум во организмот може да настане поради бројни причини, а ова се само некои од нив:

·Зависни сте од шеќер;

·Калциумот го внесувате преку додатоци во исхраната;

·Пиете газирани пијалоци;

·Цревни болести како целијачна болест или Кронова болест;

·Конзумирате многу рафинирана храна и млечни производи;

·Користите филтри за вода;

·Имате дијабетес тип 2;

·Избегнувате зелен зеленчук, особено лиснат и друга храна богата со магнезиум.

На што влијае недостатокот на магнезиум?

Калцификација на крвните садови - иако ова сигурно не е еден од првите симптоми на недостаток на магнезиум во телото, тој е еден од најопасните. Калцификацијата е процес на таложење на калциум во крвниот сад, што го прави ѕидот на крвниот сад поцврст и ја намалува неговата еластичност, а тоа може да доведе до коронарни проблеми како што се срцев удар, откажување и срцеви заболувања. Според Здравствената студија на Фрамингем, откриено е дека консумирањето доволни количини на магнезиум корелира со помал ризик од срцеви заболувања.

Мускулни грчеви - постојат докази дека нерамнотежата на калциум, магнезиум и калиум играат важна улога во појавата на грчеви во мускулите. Секој од овие електролити помага во одржување на рамнотежата на течностите во крвта и мускулите, а поради недостаток на еден од нив може да настанат грчеви.

Анксиозност и депресија - бројни студии покажаа дека недостатокот на магнезиум може да има значително влијание врз менталното здравје. Магнезиумот учествува во регулирањето на мозочната активност, а неговиот недостаток често може да предизвика депресија, анксиозност и пад на когнитивните способности.

Висок крвен притисок - ова е еден од најутврдените факти, бидејќи студијата спроведена на Харвард на 70.000 луѓе покажала дека луѓето кои земаат најмногу магнезиум имаат оптимален крвен притисок. Студијата спроведена на Универзитетот во Минесота покажа дека жените со соодветен внес на магнезиум имаат 70 отсто помал ризик од хипертензија. Хормонални проблеми - грчеви во мускулите за време на менструалниот циклус, исто така, може да се поврзат со нивото на магнезиум. Д-р. Каролин Дин, авторка на „Чудото со магнезиум“, често препорачува жените со тежок ПМС и грчеви да земаат магнезиум порано во нивниот циклус пред да започнат симптомите.

Бременост - магнезиумот често се користи и за помош при хипертензија и мускулни грчеви поврзани со бременоста, го намалува ризикот од предвремено породување и ги ублажува главоболките.

Проблеми со спиењето - Магнезиумот  го нарекуваат врвен минерал за релаксација. Тој помага да се релаксираат телото и умот, што придонесува за помирен сон.

Недостаток на енергија - без магнезиум, човекот нема доволно сила на клеточно ниво, ова се манифестира како замор, недостаток на енергија и други проблеми.

Јачина и здравје на коските - калциумот се смета за најсуштинскиот минерал за здравјето на коските, но се покажа дека магнезиумот е исто толку важен. Во случај на недостаток на магнезиум, коските страдаат на неколку начини. На пример, магнезиумот е потребен за витаминот Д да може да го апсорбира калциумот, па затоа е многу важно да се зема магнезиум кога се користи витамин Д како додаток во исхраната. Покрај тоа, се спречува и калцификацијата на зглобовите.

Додатоците на магнезиум треба да се земаат внимателно и само откако ќе бидете добро информирани, бидејќи преголемите дози може да предизвикаат несакани ефекти како што се: дијареа, замор, мускулна слабост, намален пулс и крвен притисок, плитко дишење, губење на рефлексите. Луѓето добиваат доволно магнезиум преку правилна исхрана, а го има во рибата, зелениот лиснат зеленчук, јаткастите плодови, млекото, интегралните житарки, темното чоколадо, авокадото, бананите и семките. Потребата за магнезиум се зголемува кај луѓето кои се под стрес, раздразливи и склони кон депресија, кои имаат проблеми со грчеви во мускулите, бавно варење на храната, како и кај спортистите.