8 машки грешки во кревет од кои на жените „им се крева косата на глава“: Број 4 често е повод и за караница

Од брзинска предигра, преку лош ритам, па сè до емотивна отсутност – одредени однесувања можат целосно да ја угаснат страста и да претворат инаку убав момент во разочарување.

Доколку сакате вашиот партнер да биде задоволен, а и вие самите повеќе да уживате, обрнете внимание на следните грешки кои жените најчесто ги наведуваат како причина за фрустрација во кревет:

1. Занемарување на предиграта

Многу мажи сакаат што побрзо да „преминат на работа“, заборавајќи колку е предиграта важна. Таа не е само вовед, туку неизоставен дел од доживувањето – возбудата расте, поврзаноста се зајакнува и уживањето е поинтензивно за двајцата.

2. Тишина и емотивна отсутност

Кога партнерот е целосно нем, без израз или реакција, лесно може да изгледа како да не му е гајле. Коментари, воздиви, допири и погледи – сето тоа го засилува чувството на блискост и создава многу подобра атмосфера.

3. Претерана брзина и груби движења

Брзината не значи нужно страст. Напротив – ако сè е механички и без ритам, уживањето се губи. Промената на темпото, внимателноста и комуникацијата се она што навистина прија.

4. Туркање на главата за време на орален секс

Ова однесување многу жени го доживуваат како непријатно и понижувачко. Наместо тоа, подобар пристап е заемно почитување и ненаметливо темпо.

5. Груба стимулација на клиторисот

Преголем притисок или погрешен начин на допир може да предизвика болка наместо уживање. Замислете дека допирате балон од сапуница – толку нежно треба да се постапува со овој чувствителен дел од телото.

6. Фокус само на себе

Сексот не е трка ниту еднострана активност. Вистинската поврзаност се создава преку заемно давање, а себичноста во кревет често е причина за незадоволство кај жените.

7. Претерано агресивен пристап кон градите

Градите и брадавиците се ерогени зони, но бараат внимателен и нежен допир. Грубоста тука може целосно да го уништи расположението.

8. Заминување од кревет веднаш по сексот

Многу мажи стануваат штом сè ќе заврши, но забораваат колку се важни моментите на нежност по односот. Прегратка, насмевка, краток разговор – сето тоа придонесува за чувство на блискост и сигурност.

Заклучок

За квалитетен сексуален живот клучна е комуникацијата. Ако се препознавте во некои од овие навики, тоа не значи дека сè е изгубено – туку дека постои простор за раст и промена. Вложете труд, слушајте ја вашата партнерка и трудот ќе ви се врати повеќекратно.

Извор: Glossy / Freepik