Еве како изгледа хрватската фабрика за суперавтомобили: Македонија доцни 30 години

Хрватскиот производител на електрични суперавтомобили - Римац, претстави нова производна линија за производство на прототип C_Two електричен супер спортски автомобил во неодамна отворената фабрика во Велики Трговиќ.

Како што објави Rimac Automobil, линијата ќе го забрза производството на C_Two прототипови потребни за конечна валидација и тестови за судир, потребни за хомологација ширум светот.

Сега на тимот ќе му требаат пет недели за да го состават секој автомобил C_Two, што значи дека времето на производство ќе биде преполовено.

Во Римац, производствениот процес започнува многу порано пред монтажата на готови компоненти на линијата, бидејќи голем број компоненти и системи се произведуваат во фабриката во Света Недела и Велики Трговиќ, по што се доставува до линијата за склопување на возилото.

Досега Римац има направено четири прототипови C_Two, а уште тринаесет се потребни се додека не заврши процесот на тестирање и хомологација, по што следат уште десет автомобили од серијата пред-производство, од кои повеќето ќе бидат произведени оваа година.

Комплетната постапка за хомологација, без никакви пречки, од првите концепти, преку прототипи до автомобили на патот, е тригодишен процес, велат во Римац.

Со воведувањето на новата производна линија, Rimac Automobili ќе ги испорача првите автомобили на клиентите во 2021 година, за разлика од првичниот план пред кризата COVID-19, која предвидуваше испораки во 2020 година.

Конечниот дизајн и комерцијалното име на автомобилот ќе бидат откриени оваа година.

Со полн капацитет, екипата во Велики Трговиќ ќе може да произведува четири автомобили C_Two месечно, според хрватската компанија.